VIGAN CITY – Nasarakan nga awan biagna ti maysa a lalaki nga agtawen uppat a uplo ket dua a nagsagaba ti donor ta napaltogan idiay Sitio Baoay, Brgy. Paing, Bantay.
Nabigbig ti biktima a ni Jerick Benosa, single, helper ti SJ Millenium Construction and Construction Supply ken agnaed ti nasao a barangay.
Iti pannaki-uman ti Bombo Radyo Vigan kenni PMaj. Pol Areola, hepe ti Bantay Municipal Police Station, nakaawatda iti tawag manipod ti concerned citizen nga adda iti nasarakanda a bangkay iti karuotan a paset ti barangay.
Insigida a nagresponde dagiti otoridad ket naduktalan a biktima ni Benosa ti pammaltog ta nagsagaba iti innem a tama ti bala iti mapapati a caliber 45.
Naideklara a natay ti biktima babaen kenni Dra. Divina Almira ti Municipal Health Office iti ili ti Bantay.
Ti agdama agtultuloy iti naununeg nga imbestigasyon ti kapulisan inaig iti napasamak a pammaltog ken no ania ti motibo dagiti suspek a nangpaltog kenkuana.
