VIGAN CITY – Mapapati a naatake iti puso ni Mauricio Equias nga agtawen ti lima pulo ket lima, baro, mannalon ken agnaed idiay Sitio Mabileg, San Ellias, Sigay, Ilocos Sur a nasarakan iti bangkay na iti uneg ti kallapaw na iti nasao a lugar idi alas – 9: 20 idi rabii ti August 29.
Alas dos iti malem idi August 29, mapan kuma sarungkaran ni Renato Duli nga agtawen ti uppat a pulo ket siyam, baro ken agnaed met laeng iti nasao a lugar iti gayyem na idi nakita nan ti biktima nga awanen iti biyag na a napasag iti uneg ti kallapaw na.
Insigida a nagpaarayat kadagiti opisyal iti barangay ni Duli ket inreport da iti pasamak kadagiti kameng ti Sigay municipal police station.
Nagresponde dagiti kameng ti Sigay PNP, kadua da ti Municipal Health Officer iti ili ket nakita da nga awan iti pagilasinan nga adda foul play iti pannakatay ti biktima nu di ket mapapati a naatake a talaga iti puso.
