Napaltogan dagiti agayan-ayat a Geneva Lopez ken Yitshak Cohen kas maibasar ti resulta ti autopsy nga insayangkat ti National Bureau of Investigation (NBI) kadagiti bangkayda a nakali iti maysa a quarry site idiay Barangay Sta. Lucia Capas, Tarlac.
Segun ken ni NBI Director Jaime Santiago, sag-dua a tama ti bala iti sinagaba ti beauty pageant contestant manipod Pampanga ken nobyona nga Israeli a napukaw manipod pay laeng June 22.
Ti tama ni Lopez ket ti barkong a timmarus iti likod ken luppo idinto a ti lalaki ket natamaan ti kili-kili ken barukongna nga isu ti entrance ket timmarus iti likod.
Nakitaan pay ti slug wenno paset ti bala iti bagi ni Lopez a naidalan ti ballistics examination.
Kabayatanna, awan pay ti resulta ti DNA testing kadagiti bangkay nga insayangkat ti Scene of the Crime Operation.
