Balud iti Caoayan Police Station, ginandat na iti agpakamatay

VIGAN CITY– Mapagduduwaan pay laeng ti biag na idiay ospital ti balud idiay Coayan Police Station gapu iti gandat na nga agpakamatay babaen  iti panagbekkel.
Problema iti pamilya iti nakita dagiti otoridad a rason ti panangkettel ti balud nga agtawen ti 41 ti biag na babaen iti panangbekkel na nga usar ti belt.
Maibasar ti report, naudi a nakita nga agsangsangit ti inmate kabayatan a kapatpatang na ti asawa ken anak na ngem kalpasan iti sumagmamano a minutos, nakita isuna ni SP02 Joy Cellejo a nakabitin iti tawa ti uneg ti CR iti pagbaludan babaen ti belt a nakaputipot iti tengged na.
Sakbay iti napasamak ket inpakaammo ti balud iti plano na nga agpakamatay iti kadwa na a balud no saan a pakawanen isuna iti agina na.
Ti nasao a balud ket sumangsango ti kaso a panaglabsing ti RA 9262 wenno Anti-Violence Against Women and their Children Act of 2004 ken RA 8353 wenno Anti-Rape Law of 1997 nga inpila dagiti agina na.