--Ads--
VIGAN CITY – Temporaryo nga impasarra ti management ti Baluarte zoo idiay Salindeg, Vigan City tapnu maliklikan ti coronavirus disease 2019.
Adda ti nakaikabil a tarpaulin iti sangwanan ti Baluarte Zoo a nakaikabilan iti paka-ammo a manipud idi kalman ket nakasarra ti nasao a pagpasyaran ta maysa ti nasao a lugar kadagiti pagdudupudupan dagiti tao nangruna kadagiti turista a naayat a mapan mangkita kadagiti naidumduma a klase ti ayup.
Malaksid iti dayta, awan payen dagiti aglaklako iti souvenir iti nasao a lugar ken no man adda dagiti mailaw-an a mapan ket gundawayanda laengen ti mangala ti ladawanda iti sangwanan ti zoo.
No pay kasta, mayur-uray no kaanonto manen a mailukat ti nasao a pagpasiaran.
