VIGAN CITY – Dagiti laengen balota para ti National Capital Region (NCR) iti saan pay a nalpas a naiyimprenta ti Commission on Election (Comelec) ken National Printing Office (NPO).
Ti eksklusibo a pannaki-uman ti Bombo Radyo Vigan ken ni Comelec spokesman James Jimenez, naibaga na a saan da nga agdar-daras a mangileppas iti panangiyimprenta kadagiti balota a masapul ti NCR ta kabaelan da a leppasen iti uneg iti tallo agingga uppat nga aldaw laeng.
Nu malpas ton iti ballot printing, ti distribution wennu pannakaiwaras ton kadagiti balota ken dagiti masapul inton May 13 midterm election kadagiti naduma-duma a paset iti pagilian iti trabahoen ti Comelec a manamnama a marugyan inton maudi a lawas iti agdama a bulan.
Kabayatanna, nakasagana metten ti poll body para ti maisayangkat nga Overseas Voting a mangrugi inton April 13, aldaw ti Sabado ket dua pulo ket maysa a porsyento iti target da laeng a voter turn-out ta segun iti opisyal, gagangay na a nababa ti voter turnout nu midterm election nu ikomperar iti presidential election.
