--Ads--
VIGAN CITY- “Comatose” itatta idiay Ilocos Sur Provincial Hospital Gabriela Silang ni Lourdes Laurente, agtawen ti pito pulo ket lima ken taga Quimmarayan, Bantay ta natinnag iti PUV a naglugananna idiay Barangay Paing, Bantay idi kalman.
Segun kenni Teresita Dela Cruz, anak ti biktima, nagsardeng ti PUV ta adda ti naglugan a pasahero ngem idi isaran ti ina na ti ruangan ti PUV ket natinnag ket naitupa ti ulo na iti semento .
Inaig iti dayta, namnamaen ti driver ti PUV a ni Victor Cachinko nga agtawen iti uppat a pulo ken taga-Tablac, Candon City, a maawatan ti pamilya ti biktima a saan na a nagayatan iti napasamak ken ni Laurente.
