VIGAN CITY – Pimmigsa pay ni Bagyo Ursula kabayatan iti kaadda na idiay Jintotolo Channel, amyanan ti Iloilo.
Naudi a nasaripatpatan ti bagyo iti kaadayo nga uppat a pulo a kilometro, daya ti amyanan a daya ti Roxas City, Capiz.
Agpapa-laud amyanan a laud ti bagyo iti kabuntog a dua pulo ket lima a kilometro tunggal oras a ti kapigsa iti angin na ket sangagasut ket uppat a pulo a kilometro tunggal oras agingga sangagasut siyam a pulo ket lima a kilometro tunggal oras.
Inton Sabado iti agsapa pay laeng iti posible nga iruruar ti bagyo ditoy Philippine Area of Responsibility.
Dagiti lugar a naisakup ti Tropical Cyclone Wind Signal Number 3 ket Masbate pakairamanan ti Ticao Island, Romblon, akin-bagaan a paset ti Oriental Mindoro ken Occidental Mindoro kasta payen ti extreme Northern Cebu a pakairamanan ti Bantayan Islands, Capiz, Aklan, northern Antique ken Northern Iloilo.
Kabayatanna, dagiti naisakup ti Tropical Cyclone Wind Signal Number 2 ket akin-bagatan a paset ti Quezon, Marinduque, nabatbati a paset ti Oriental Mindoro ken Occidental Mindoro a pakairamanan ti Lubang Island, Albay, Sorsogon, Burias Island, Calamian ken Cuyo Island, Biliran, northwestern Leyte, Northern Samar, Samar, nabatbati a paset ti northern Cebu pakairamanan ti Camotes Islands, central Cebu, nabatbati a paset ti Iloilo, nabatbati a paset ti Antique Guimaras ken northern Negros Oriental idinto a dagiti naisakup ti Tropical Cyclone Wind Signal number 1 ket ti Bataan, Metro Manila, Rizal, Cavite, nabatbati a paset ti Quezon, Laguna, Batangas, Camarines Sur, Camarines Norte, Catanduanes ken nabatbati a paset ti mainland Palawan, Eastern Samar, nabatbati a paset ti Leyte, southern Leyte, Bohol, Siquijor, nabatbati a paset ti Cebu ken Negros Occidental ken Negros Oriental.
