VIGAN CITY – Kimmapsot ni Bagyo Ursula ket addan idiay West Philippine Sea.
Maibasar iti kaudian a weather bulletin ti PAGASA, naudi a nasaripatpatan iti bagyo iti kaadayo a sangagasut lima pulo ket lima a kilometro, amiyanan a laud ti Coron, Palawan ket napagtalinaed na iti kapigsa ti angin na a sangagasut ket tallo pulo a kilometro kada oras agingga a pumigsa ti sangagasut ket innem a pulo a kilometro kada oras.
Agpapa-laud amiyanan a laud ti bagyo iti kabuntog a sangapulo ket lima a kilometro kada oras.
Agsipud ta nakaadayon iti kadagaan, Signal Number 2 laengen iti nakaibayog idiay Calamian Islands idinto a Signal Number 1 idiay Bataan, Cavite, Batangas, Oriental Mindoro, Occidental Mindoro karaman ti Lubang Island ken nabatbati a paset ti extreme northern Palawan.
Inton Sabado ti agsapa pay laeng a manamnama a rumuwar ditoy Philippine Area of Responsibility iti nasao a bagyo.
