Backrider iti motorsiklo a nadungpar ti trak, pimmusayen

Pimmusayen ti backrider ti motorsiklo a nadungpar ti trak iti national highway idiay Barangay Caburao, Santiago, Ilocos Sur.

Ti motorsiklo ket minaneho ti agtawen iti innem a pulo ket lima, backrider-na ti agtawen iti innem a pulo ket uppat nga agpada a taga-Baybayabas, Santiago.

Ti met aluminum van ket minaneho ti agtawen iti duapulo ket uppat, tubo iti Camarines Norte ngem agnanaed iti Barangay Tay-ac, Bantay.

Agpapalaud ti motorsiklo ket idi madanon ti nakapasamakan ti insidente kangrunaan iti intersection, bayat ti panagsikko nga agpa-abagatan ti motorsiklo ket nadungpar daytoy ti napaspas patarayna a van ket inaradona daytoy iti nasurok-kumurang lima a metro.

Naipaagas iti ospital dagiti nagkalubbon ngem saanen a nakalasat ti backrider.