VIGAN CITY- Nadait ti likudan a paset ti ulo ni Carolina Quillopo nga agtawen iti lima pulo ket siyam ta inpatit kenkuana ni John Mark Quiocho nga agtawen iti dua pulo ket walo ti bote ti wine nga iggem na idi alas syete singkuwenta ti bigat March 11 idiay Villamar, Caoayan.
Maibasar iti inisyal nga imbestigasyon dagiti kameng ti Caoayan municipal police station, napan gimmatang ti laki ti asawa ti biktima a ni Elmer Quillopo idi simmangpet ti suspek nga adda iggem na a pagbanniit ket kinamat na ni Elmer isu a nagpaarayat ken ni Carolina nga asawa na.
Idi agpatpatang ti biktima ken ti suspek, bigla lattan nga inpatit ti suspek iti bote ti wine iti ulo ti biktima a rason iti nakaipaagasan na idiay Ilocos Sur Provincial Hospital- Gabriela Silang idinto a ti suspek ket nakakustodiyan kadagiti otoridad.
