VIGAN CITY – Maburburtiyaan pay laeng iti pamilya ti agtawen ti sangapulo ket pito nu apay a nagbekkel idi September 29 idiay San Julian Sur, Vigan City.
Nabigbig ti biktima a ni Gerlyn Openia, grade 12 student ti Ilocos Sur National High School nga agnaed iti nasao a lugar.
Segun kadagiti kameng ti pamilya ti biktima, naragsak pay laeng idi alas tres iti malem idi September 29 ti biktima ket napan na pay inikkan iti meryenda na iti kabsat na iti botika a pagtrab-trabahoan na.
Idi nakaawid dan, nakita ni Rodel Bautista ti ipag na nga agsangsangit kabayatan nga adda iti kapatpatang na iti cellphone na a naka-earphones pay.
Kalpasan iti sumagmamano a minutos, nakigtot laengen ni Bautista idi nakita na ti biktima a nakabitinen iti uneg ti kwarto na babaen iti tali nga inputipot na iti tengnged na.
Naitaray idiay Ilocos Sur Provincial Hospital Gabriela Silang ti biktima ngem naideklerar a dead on arrival.
