Maysa nga agtawen-iti-uppat a pulo ket innem a babai ti nakemmeg iti naiwayat a buy-bust operation idiay San Julian Norte, Vigan City, Ilocos Sur.
Ti suspek a taga-Barangay Capangpangan ket maysa a High Value Individual iti salinong ti PDEA target list
Iti pannaki-uman ti Bombo Radyo Vigan ken ni PLTCOL. Reynaldo Mendoza Jr., iti Vigan City Police Station, nabayag a sinipsiputan dagiti pannakabagi ti linteg ti iligal nga aramidna ta daytoy ket maibilang a user ken pusher iti iligal a droga.
Nakumpiskar manipud iti suspek ti maysa a piraso ti heat sealed transparent plastic sachet a naglaon iti mapapati a shabu nga agdagsen iti maysa a gramo ken aggatad iti P4,500.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
