Maysa a babai iti nakemmeg ken naalaan iti 1.11 a gramo iti maatap a shabu iti naisayangkat a buy-bust operation idiay Sta. Cruz, Ilocos Sur idi kalman, August 17, 2026.
Ti suspek ket agtawen iti uppat a pulo ket pito a taga-Sta. Lucia, Ilocos Sur.
Iti naisayangkat nga operasyon ket nakemmeg ti suspek ken naala kenkuana ti drug evidence nga 1.11 a gramo iti maatap a shabu nga aggatad iti P7,548 a naipan iti dua a heat-sealed transparent plastic sachets a nagserbi a buy-bust item ken possession.
Dagiti non-drug evidence a naala ket maysa a genuine P500 a nagserbi a buy-bust money, maysa a machine copy iti P1,000 a nagserbi a boodle money, maysa a unit iti Red/Black Euro motorcycle nga adda sidecar-na wenno kurong-kurong, black wallet, national ID, eco bag, getteng, eyeglass case, lighter, ice plastic bag, elongated foil, PSA Receipt, ken cellular phone.
