Nadundunor ti maysa a babai iti pammaltog idiay Barangay Pong-ol, Vigan City, Ilocos Sur kagiddan iti panangsarabo iti baro a tawen.
Segun ti Vigan City Police Station, ti biktima ket agtawen iti limapulo ket uppat, housekeeper, tubo manipod Mindanao nga agdama nga agnanaed idiay Barangay Pung-ol, Vigan City idinto a saan a nabigbbig ti suspek.
Segun ti live-in partner ti biktima, naka-iddada idi nakigtotda ta adda timmama iti sarming a tawada ket apaman a nakatakderda ket nagsasarunon ti panagpaputok ti paltog dagiti saan a nabigbig a suspek manipod iti ruar ti nabittak a tawa a gappuanan ti pannakatama ti biktima.
Nagsagaba ti multiple gunshot wounds ti biktima ket naipan iti Ilocos Sur Provincial Hospital – Gabriela Silang babaen kadagiti nagresponde a kameng ti Vigan City Police Station nga ita ket manarimaan iti pannakatamingna.
Iti agdama ket manarimaan iti imbestigasyon dagiti otoridad inaig iti nasao a pammaltog.
