--Ads--
VIGAN CITY– Tama iti nagsinnumbangir a bakrang ti sinagrap ti babai nga agtawen ti 48 gapu iti panangpaltog na idiay Brgy. Poblacion Sur, Sta. Maria, Ilocos Sur .
Iti pannakiuman ti Bombo Radyo Vigan kenni PS/Insp. Joel Castillo, hepe ti PNP-Sta. Maria, nakatugaw ti biktima a ni Merlita Ballano, biyuda ken residente ti Brgy. Lubong, Sta. Maria, idi pinaltugan iti saan pay a nainaganan a suspek.
-- ADVERTISEMENT --
Segun kenni Castillo, daytoyen iti maikadwa a gundaway a napaltugan ti biktima nga iti immuna ket idi March 2015 agsipud ta atapen da a manggagamod.
Pinasingkedan met ni Ballano a nalasin na ti suspek nga isun iti imimbestigaran dagiti otoridad.
