VIGAN CITY – Posible nga adda iti susik iti napalabas da Rosana Labugen nga agtawen iti tallo pulo ket innem kenni Edna Daquioag nga agtawen iti tallo pulo ket dua, agpada nga adda live in partner na ken agnaed idiay Barangay Rang-ay, Sinait isu nga idi June 14, alas dos y media iti malem ket nabagkong ni Labugen ni Daquioag kabayatan iti panagsango da a naginom idiay Barangay Cabangtalan, Sinait.
Segun ken ni Police Lt. Irwin Ancheta, hepe ti Sinait municipal police station, agin-inom ti biktima a ni Daquioag, kadua na iti gayyem na a bakla iti maysa a cottage idiay Barangay Cabangtalan idi dimteng ti suspek a ni Labugen ket nakisango kadakuada.
Ti dayta idi a kanito, adda iti saan a nagkinnaawatan ti suspek ken ti biktima nga isu iti mapapati a nangbagkongan ti suspek ken ti biktima.
Nadunor iti boksit ti biktima ket naitaray idiay Ilocos Sur District Hospital, Sinait para iti pannakataming na idinto a ti suspek ket naglibas kalpasan iti pasamak.
Ti biktima a ni Daquioag ket live- in partner ti kabsat ni Labugen.
