Natay ti nagmaneho iti motorsiklo kalpasan a dinungpar ti maysa pick-up iti national road idiay Barangay Baringcucurong, Suyo, Ilocos Sur idi kalman, April 3, 2026.
Ti nagmaneho iti Mitsubishi Strada ket lalaki nga agtawen iti innem a pulo ket dua, naasawaan ken agnaed idiay Barangay Baringcucurong, Suyo idinto a ti nagmaneho iti Yamaha Mio i125 ket babai nga agtawen iti tallopulo ket walo nga agnaed idiay 73 Lourdes Subdivision Extension, Baguio City, Benguet.
Nakaawat iti tawag ti Suyo Municipal Police Station maipanggep iti mapapati nga aksidente iti nasao a lugar isu a nagrespondeda.
Naammoan nga agpapalaud a direksyon ti pick-up dinto nga agpapadaya a direksyon ti nakamotorsiklo idin nadanonna iti nasao a lugar ket kellaat nga immagaw ti linya ti pick-up iti linya nga ayan ti motorsiklo isu a nagdinnungparda.
Gapu dayta ket nadundunor ti nagmaneho ti motorsiklo isu a naipan iti Ilocos Sur District Hospital – Bio Tagudin para koma iti pannakaagasna ngem kalpasan iti sumagmamano a minutos ket naideklarar a natay babaen ti attending physician-na.
Saan met a naan-ano ti driver ti pick-up iti nasao nga aksidente.
