Nangrugin ti pagay-ayam dagiti players iti maika-6 a Southeast Asian Volleyball Cup (SEA V Cup) babaen ti panag-host iti Pilipinas.
Ti ay-ayam ket maisayangkat manipod July 15 agingga July 19, 2026 iti Candon Arena idiay Candon City, Ilocos Sur.
Iti pannaki-uman ti Bombo Radyo Vigan ken ni Francis Rabago a Local Line Judge iti Southeast Asian Volleyball Cup, innem a pagilian iti Southeast Asia iti makipaset a pakairamanan iti Pilipinas, Indonesia, Thailand, Vietnam, Myanmar ken Cambodia.
Segun ken ni Rabago, dakkel a pakadayawan iti siudad ti Candon iti panag-host ita a tawen ta kalikagumda a madevelop pay iti siudad kas Sports Tourism nga iti baet nga adayo idiay Manila ket agbalin latta a Volleyball Hub iti Pilipinas.
Kabayatanna, allukoyenna dagiti umili nga agbuya iti nasao a Southeast Asian Volleyball Cup kas panangsuportar payen ti grupo iti Pilipinas nga isu ti Alas Pilipinas ta ti kalakaan a presyo ti ticket ket P100 ken sumarunon iti P400.
