Napan iti Department of Justice ni Atty. Levito Baligod kaduana dagiti sumagmamano a miembro ti sangapulo ket walo a bodyguards.
Segun ken ni Baligod, gagem ti ipapan da tapno sapataan ti counter affidavit a maipasa iti San Fernando City Prosecutors ti La Union.
Inlawlawag ti abogado nga idiay DOJ da nga aramiden daytoy tapno maipatulod laengen babaen iti surat wenno via email ti kopya ti dokumento a maipasa iti piskalya inton Lunes.
Mainaig iti panagipasa ti counter-affidavit iti reklamo a cyber-libel nga impila ni La Union Rep. Paolo Ortega kontra kadakuada iti alegasion a panagawat ti maleta.
Mangnamnama ti kampo ti bodyguards a maibasura laeng ti amin a sangsangoen da a kaso a libel a naipila iti irruar ti jurisdiction ti Quezon City Prosecutors Office.
