VIGAN CITY – Saan nga immannugot ti grupo dagiti babbai idiay South Korea nga idiay a maisayangkat ti Miss Universe beauty pageant tatta a tawen isu nga inpan da idiay Atlanta, Georgia.
Dayta iti nadakamat ni Narvacan Mayor Luis “Chavit” Singson nga isu ti maysa kadagiti kangrunaan nga sponsor ti Miss Universe Organization iti pannaki-uman kenkuana ti Bombo Radyo Vigan.
Nadakamat ni Singson a mamin-adu a nakitaripnong isuna iti grupo dagiti babbai idiay South Korea para iti Miss Universe hosting iti nasao a pagilian ngem saan da nga immannugot isu nga idiay Amerika iti pakaisayangkatan na inton December 9.
Ngem mamati ti politician- businessman nga inton umay a tawen ket idiay ton South Korea iti pakaisayangkatan iti nasao a beauty pageant ket nadakamat na nga awan iti parikot iti pondo agsipud ta adu dagiti mayat a mangsuporta kenkuana ken ti mismo Miss Universe organization.
