--Ads--
Manarimaanen iti panagsagsagana dagiti atleta manipod University of Northern Philippines (UNP) para iti umadanin a Regional SCUAA a mapasamak idiay Ilocos Norte inton maikadua a lawas iti Pebrero iti agdama a tawen.
Iti pannaki-uman ti Bombo Radyo Vigan ken ni UNP Athletics Head Coach Wilson Tolio, masapul iti disiplina kadagiti atleta tapno agballigida iti umadanin a Regional SCUAA.
Segun ken ni Tolio, dagiti makipaset nga atleta ket napili kalpasan iti intramurals iti nasao a pagadalan ket apaman a naalada ket nangrugin iti panagsanayda.
Impasiguradona met a maipangpangruna latta iti panagadal dagiti estudyante ta adda laeng tiempo wenno gundaway iti panagsanayda nangruna nu nalpasen iti klaseda.
-- ADVERTISEMENT --
VIDEO – UNP ATHLETICS HEAD COACH WILSON TOLIO
