Nairekord ti forest fires kadagiti asideg ti Bulkan Kanlaon kalpasan ti maysa a moderately explosive eruption segun ti Philippine Institute of Volcanology and Seismology (Phivolcs).
Gapu ti panagbettak, napadasan ti panagtudo ti ashfall ken nainget nga angot ti sulfur iti limapulo ket uppat a barangay iti sangapulo a lokal a gobierno ti Negros Occidental pakairamanan ti Binalbagan, La Castellana, Moises Padilla, Hinigaran, Isabela, San Carlos, Himamaylan, Kabankalan, Pontevedra ken Ilog.
Segun ti Phivolcs, ti panagbettak ket nangirruar ti lima a kilometro a ngato ti ash plume a naiyangin a napan iti abagatan a daya ken amianan a daya.
Agtaltalinaed ti Bulkan Kanlaon iti Alert Level 2 ken maiparit ti panagserrek iti uneg ti 4 a kilometro a Permanent Danger Zone (PDZ).
