--Ads--
Immapela ti Malakanyang iti publiko a saan a sabayan ti kilos-protesta ti selebrasion ti Association of South East Asian Nations (ASEAN) Summits iti pagilian.
Segun ken ni Palace Press Officer Atty. Claire Castro, kalaksidan ti traffic, sagsaganaan met ti gobierno ti kilos-protesta nga isayangkat ti agduduma a grupo kas ti napasamak iti Minister’s summit idiay Cebu City.
Panawagan ni Castro iti publiko nga ipannakkel ti Pilipinas ken ipakita a ti pagilian ket nasayaat a lugar, na-kappia ken mapagtalakan.
Nagpanawagan pay ti opisial iti publiko a saan nga aramaten ti politika tapno dadaelen ti administrasion iti panangrambak ti ASEAN summit.
-- ADVERTISEMENT --
