Nangrugin nga agimbestigar dagiti arson investigators tapnon maamuan no ania ti nagtaudan ti Palisades Fire idiay Los Angeles.
Segun ken ni LA Fire Department Chief Kristin Crowley, 21 nga opisial a pakairamanan ti sangapulo ket innem nga arson investigator ken maysa nga aso ti nasanay a mangangot kadagiti fire accelerant a nakatutok iti kaso.
Lima a tattao ti natay iti uram idiay Palisade ken Eaton idinto a nakurang 200,000 nga agindeg iti nasao a lugar ti naibakwit ken nakabantay dagiti otoridad tapno masigurado ti sumaruno nga evacuation order.
Sumagmamano payen a tattao ti nakemmeg gapu iti panangserrekda kadagiti pagtaengan.
Imballaag ti National Weather Service ti Los Angeles nga agtalinaed ti napigsa nga angin a mangitunda iti ipipigsa ti apoy.
Mapatta-patta nga umabot iti $50 bilion ti nadadaelen gapu iti uram.
