Nakaituding a makitaripnong ti maysa a Vatican Official ken ni President Ferdinand Marcos Jr. ken kadagiti church official ita a lawas kas pinasingkedan ti Department of Foreign Affairs.
Ti opisyal ket ni Vatican Secretary for Relations with the States of the Holy See, Archbishop Paul Richard Gallagher a bumisita iti uneg iti lima nga aldaw tapno makipaset iti agduduma nga aktibidad.
Makitaripnong ni Gallagher ken ni Foreign Affairs Secretary Enrique Manalo tapno pagpatangan ti pannakikammayet ti higher education, migration governance, interfaith dialogue ken climate change iti nagbaetan ti Holy See ken Pilipinas.
Makipaset pay ni Gallagher iti annual celebration iti “Pope’s Day” kagiddan ti panagpiesta ni St. Peter ken St. Paul iti Apostolic Nunciature idiay Manila.
