Nagpalagip ti Commission on Election a nasken a makompleto dagiti agapply ti gun ban exemption ti requirements sakbay nga agipasa ti applications a mangrugi ita nga aldaw.
Ipatungpal ti Commission on Elections (Comelec) ti gun ban inton Enero 12, 2025, kas panagsagana para iti midterm elections inton Mayo.
Impasigurado ni Comelec Chairman George Garcia kadagiti aplikante a maalada ti exemption iti uneg ti makalawas no maipasa amin a kasapulan a dokumento ken mabalinda nga agbayad ti online.
Mangisayangkat met ti Comelec iti convention para kadagiti opisial ti eleksion inton bigat tapno sanayenda ida iti panagusar kadagiti baro nga automated counting machines.
Nagpanawagan pay ti Alliance of Concerned Teachers (ACT) ti nayon a compensation ken proteksion para kadagiti poll workers gapu iti agtultuloy a kinaranggas iti politika bayat ti eleksion.
