VIGAN CITY – Inlawlawag ni Vigan City Mayor Juan Carlo Medina a ti antigen test ket libre laeng kadagiti adda nakapulapolna a Covid19 patient ngem saanen kadagiti mapan iti sabali a lugar.
Iti pannaki-uman ti Bombo Radyo Vigan ken ni Medina, nalaklaka ti gatad a mabayadan iti antigen test no yarig iti RT-PCR test ken nadardaras pay a mayuray ti resultana.
Gapu ti dayta, urayenda nga ipatungpal ti national government a ti antigen test ti standard nga aramaten kadagiti border ken napanunotan ti city government a nasaysayaat no ditoy mismo siudad a maidalan ti test dagiti umili.
Walopulo ket lima agingga siam a pulo a porsiento nga husto ti antigen test result idinto a ti Polymerase Chain Reaction ket siam a pulo ket lima agingga sangagasut a porsiento a husto ti resultana ngem numan adda nagpositibo iti antigen test ket kasapulan met laeng a makumpirmaran babaen iti swab test.
