--Ads--
Pabilgen ti Department of Budget and Management dagiti addang kontra anomalya tapno masalwadan ti pondo ti gobierno.
Segun iti DBM, impasigurado ni Acting Secretary Rolando Toledo ti naing-inget nga anti-corruption drive bayat a mapagpatpatangan dagiti addang para iti integridad ti national budget iti naisayangkat a 4th Ruperto P. Alonzo Memorial Lecture Series iti University of the Philippines Diliman.
Inyunay-unay ni Toledo ti kinapateg ti agkaykaysa a panagtignay dagiti kameng ti gobierno, kongresista, ken dagiti umili tapno mapagtalinaed ti integridad ti kuarta ti pagilian.
Makitinnulong ti DBM kadagiti ahensia tapno makabukel iti nalawlawag, naan-annayas ken nakasagana a sistema ti gobierno a mangimaton iti pinansial ti gobierno.
-- ADVERTISEMENT --
