Pinirmaanen ni President Ferdinand Marcos Jr ti Republic Act 12308 wenno ti Animal Industry Development and Competitiveness Act tapno padur-asen ken pagbalinen a moderno ti industria ti dingwen ken panagtaraknan iti manok iti pagilian.
Gagem ti linteg a masuportaran dagiti mannalon babaen iti P2O billion a pondo kada tawen manipud iti taripa ti imported nga animal products.
Inyestablisar ti linteg ti Animal Competitiveness Enhancement Fund nga adda ti sangapulo a tawen a pondona a mailatang kadagiti nadumaduma a programa kas ti repopulation, salun-at ti dingwen, pasilidad iti panagiproseso, kinatalged ti taraon, feeds, pautang ken dadduma pay.
No lumabes iti P20 bilion ti koleksion manipud iti taripa, ti sobra a gatad ket maaramat kas direkta a pinansial a tulong kadagiti mannalon.
Nabayagen a kidkiddawn dagiti adda iti industria ti pondo, nangruna idi simrek iti pagilian dagiti sakit kas ti bird flu ken African swine fever.
