Pormal a naisayangkat ti turn over ceremony iti National Bureau of Investigation (NBI) para iti kabarbaro a liderato.
Iti panangidaulo ni Ret. Judge Jaime Santiago, in-turn over-na ken ni NBI Assistant Director Angelito Magno ti posiyon a pinanawanna iti nasao nga opisina.
Dayta ket makalawas kalpasan a nadutokan ni Magno a baro nga officer-in-charge iti NBI.
Ingkari ni Magno nga agtultuloy iti imbestigasyonda kadagiti narugian iti ahensya.
Segun ken ni Magno, planona a pagbalinen a moderno ti serbisyo ken sistemada babaen kadagiti training, technology ken team work.
Malaksid dayta ket kinunana a pagbalinenda nga “institutionalize” ti transparency ken accountability tapno mapagtalinaed iti talek.
Maipalagip a dinutokan ni President Ferdinand Marcos Jr. ni Magno nga OIC iti ahensya idi October 27 kasaruno iti panagipasa ti “irrevocable resignation” ni Santiago.
