--Ads--
Nainget a bambantayan iti America iti mapapasamak a kilos protesta idiay Nairobi, Kenya.
Segun ti White House, napateg a matignayan iti gobierno iti Kenya ti nasao a arungaing dagiti protester.
Kadua ti US iti Canada, Britain, Denmark, Germany ken ti The Netherlands a nakigtot ken naalarma iti mapapasamak a riri idiay Kenya.
Segun ti British High Commission, napateg nga irespeto ken iyetnag ti tunggal grupo ti kappia tapno saan a kumaru ti riri.
-- ADVERTISEMENT --
Naideployen dagiti suldado kadagiti kalsada idiay Nairobi kas panangtulong kadagiti polis.
Maipalagip nga innem a protestante ti natay idi nakarinnupakda dagiti polis iti sangwanan ti parliament.
