VIGAN CITY – Maladingitan la unay ni Peter Gadia Jr. nga ama ni Philippine Military Academy Cadet 2nd Class Cedrick Gadia gapu iti ipupusay na iti sakit a stage 4 esophageal cancer.
Para ken ni Peter, nasakit para kenkuana kas maysa a nagannak a maawanan ti putot a kas ken ni Gadia nga adu pay iti arapaap na iti biyag.
Inyistorya na a manipud idi nagbasa ni Cedrick ket nakita nan iti ambisyon ti putot na a sumrek iti armada ngem gapu iti rigat iti biyag ket nagbasa nga immun-una idiay North Luzon Philippine State College ti Bachelor of Science in Criminology sa simrek iti akademiya.
Nadakamat na a saan na nga inpak-pakaamo kenkuana ni Cedrick iti sagsagabaen na malaksid a kanayon na nga agalen iti sakit ti tiyan na.
Sa laengen naamuan ni Peter iti sakit ti putot na idi naiconfine iti ospital ni Cedrick.
Innayon na nga adda pay idi iti panawen nga arigna saanen a makakaan ni Cerdrick gapu iti sakit iti tiyanna.
Gapu iti kinabayagda iti ospital, eksakto a nagwaras idi iti damag ti napasamak kenni PMA 4th Class Darwin Dormitorio a natay gapu iti hazing a nagduduaan ni Peter isu a nagsukimat ta atapen na nga adda iti foul play iti pannakaiospital ti putot na ngem awan met iti naduktalanna.
