Agpampanawagan iti tulong ti maysa nga ama kadagiti nakakita iti putotna a mapukpukaw a ni Yzabella Corazon Ramos, agtawen iti sangapulo ket pito, Grade 12 student a taga-Barangay Poblacion Norte, Sta. Cruz.
Iti pannaki-uman ti Bombo Radyo Vigan ken ni Jupiter Ramos, saannan a napasangpet ti putotna a napan nagbasa agingga a saanen a nakasubli iti pagtaenganda.
Naibaga met iti napan gimmatangan ti mapukpukaw a balasang a nakitana idiay Candon a napan nakidebut ken adda maysa a kalugaranda met laeng ti angitulod iti public market.
Innayon ti ama ti mapukpukaw nga adda manen nakaibaga kenkuana a nakitada iti sangwanan ti maysa a bakery ken Villarica idiay Candon nga adda kaduana a babai ken maysa a kameng ti LGBTQ.
Ti mapukpukaw ket atiddog iti buokna, fair complexion, nakakawes iti nalabaga a blouse ken nangisit a pants.
