--Ads--
Nangipila ni dismissed Bamban, Tarlac Mayor Alice Guo iti not guilty plea iti kaso a qualified human trafficking iti Pasig court, basar iti abogadona.
Impaganetget ni Guo, a mabigbigbig pay kas Chinese national a ni Guo Hua Ping a saan isuna a guilty iti Pasig Regional Trial Court Branch 167 babaen iti videoconference.
Mainaig ti kaso iti pannaka-raid ti Philippine Offshore Gaming Operator Hub idi Hunyo iti ili a dati nga idadaulwan ni Guo, ket nasurok walo gasut a Pilipino ken gangannaet ti naisalakan,
Kabayatanna, saan a natuloy ti arraignment ni Walter Long, ti Malaysian national a naarestar iti POGO hub ita a tawen, gapu iti mosyon a mangsuspenso iti proceedings.
-- ADVERTISEMENT --
