Na-cite in contempt iti maikadua a gundaway ni dismissed Bamban, Tarlac Mayor Alice Guo gapu iti mapapati a panagsalawasawna iti sangwanan dagiti senador maipapan iti imbestigasyon ti senado inaig kadagiti illegal POGO operations iti pagilian.
Dayta ket gapu ta likliklikanna ti sumungbat kadagiti saludsod kenkuana inaig ti kinataona numan pay dagiti fingerprints na ket nag-match iti Chinese national a Guo Hua Ping.
Segun ken ni Senador Risa Hontiveros, agsalsalawasaw latta ni Guo uray no adda ebidensya a mangpaneknek nga isu ket maysa a Chinese national a managan iti Guo Hua Ping, amana ni Jian Zhong Guo ken inana ni Lin Wen Yi basar kadagiti inkabilna kadagiti bank documents.
Bayat iti hearing, impapilit latta ni Guo a naipasngay idiay Tarlac ken saan nga idiay China.
Daytoy ti umuna a gundaway a nagparang ni Guo iti imbestigasyon ti senado sipud naglibas iti pagilian idi Hulyo.
