--Ads--
Maposasan ken agusar iti bulletproof vest ni dismissed Bamban, Tarlac Mayor Alice Guo ken mapalikmotan iti police escort no maipan iti Senado nga umatendar iti legislative investigation iti Philippine Offshore Gaming Operators, kas pinasingkedan ti Philippine National Police.
Segun ken ni PNP Spokesperson Police Colonel Jean Fajardo, alas otso iti agsapa a pumanaw ti convoy a pagluganan ni Guo manipud iti PNP Custodial Center idiay Camp Crame, Quezon City ta alas dyes iti agsapa a marugian ti Senate hearing.
Impasigurado ni Fajardo a nainget a masurot ti security protocol iti panangiluganda ken ni Guo a mapan iti opisina ti Senado idiay Pasay City.
