Pinasingkedan ti Bureau of Jail Management and Penology (BJMP) a naawaten ti warden ti Pasig City Jail ti commitment order para iti pannakaiyakar ni Alice Guo iti Correctional Institution for Women (CIW) idiay Mandaluyong.
Segun ken ni BJMP Spokesperson Jail Supt. Jayrex Bustinera, rugrugiananen ti ahensia ti panagsagana para iti medical ken laboratory examination ni Guo, maysa a kadawyan a requisite sakbay a maiyakar ti asinoman a balud iti sabali a facility.
Apaman a maka-secure ti dati a mayor ti Bamban, Tarlac ti medical clearance, manamnama a maisayangkat ti pannakaiyakarna ita a lawas.
Maaipalagip nga imbasura ti Pasig City Regional Trial Court (RTC) Branch 167 ti mosion ti kampo a maiyakar ni Guo iti CIW idiay Mandaluyong. Augie Arellano
