Ipakita manen ti laing ni Filipina tennis star Alex Eala kalpasan a naalana ti No. 17 seed iti prestihiyoso a Cincinnati Open idiay Ohio, USA.
Daytan iti maibilang a kangatoan a seedling a naawat ti 21 years old nga atleta a Pilipino iti maysa a WTA 1000 tournament iti karerana.
Gapu iti ranggona, makaala ni Eala ti bye iti umuna a round ken maliklikan a makalabanna nga insigida ti dadduma pay a seeded players iti nasapa a paset iti kompetisyon.
Nagsasaruno iti napintas a performance ni Eala iti North American hard-court swing kalpasan a nagballigu iti kaunaan a WTA title-na idiay Washington idi kallabes.
Sakbay iti pakaammo manipod WTA, nagleppas iti kampaniana iti Canadian Open idiay Toronto idi naabak isuna iti Round of 16 kontra ken ni Belinda Bencic iti Switzerland.
Ti Cincinnati Open ti agserbi a maudi a kangrunaan a panagsagana ni Eala sakbay a sumabak iti maudi a Grand Slam iti tawen, ti US Open.
