US Open, inwaragawagdan ti pakabuklan a premio nga ipaayda

Inwaragawagen dagiti organizer ti US Open ti agbalin a pakabuklan ti premioda.

Segun iti US Open, umabot daytoy iti $108 milion wenno katukad iti umabot iti P7 billion ti premio ita a 2026.

Maibilang daytoy a kadakkelan a premio iti pakasaritaan ti Grand Slam.

Nangatngato daytoy iti 20 a porsiento ngem iti premio idi napan a tawen.

Iti met doubles ket makaawat dagiti mangabak iti men’s, women’s ken mixed draws iti sag $1-M, katukad iti P61-M.

Malaksid dayta, adda pay $2M wenno umabot iti P124-M a nailatang para iti player welfare fund.