Binigbig ti Bureau of Internal Revenue (BIR) ti aktor a ni Alden Richards ken actress a ni Barbie Forteza a top taxpayer iti pagilian.
Pinadayawan ti BIR da Alden ken Barbie saan laeng iti dakkel a kontribusyonda iti panagbayad iti buwis no diketdi uray iti panagaramat ti impluwensyada tapno allukoyen iti publiko nga agbalin a napudno iti panagbayad iti husto a buwis.
Segun ken ni Alden, napateg ti panagbayad ti buwis ngem nasursurok pay dayta iti panagtitinnulong ti tunggal Pilipino para iti panagdur-as iti pagilian ken pannakapasayaat ti pagbiagan dagiti agkasapulan.
Kinuna met ni Barbie a ti panagbayad ti buwis ket maysa a pribilehiyo ken responsibilidad, ta isu ti pagtataudan ti pondo para iti napapateg a serbisio iti gobierno kas ti salun-at, edukasyon, ken dadduma pay a programa para iti pagsapulan.
