Ingkari ni state witness ken dati a Department of Public Works and Highways (DPWH) district engineer Henry Alcantara a maisubli iti gobierno ti P300 million inton 2027 kas paset ti panagserrekna iti Witness Protection Program.
Pinasingkedan dayta ni Alcantara iti panagdenggeg iti Sandiganbayan maipanggep ti graft case kontra iti dati a senador Ramon Bong Revilla Jr. ken innem pay a sabali maipanggep iti mapapati a maanomalya a P92.8 million flood control projects idiay Pandi, Bulacan a segun kadagiti imbestigador ket awan iti naipatakder nga istruktura.
Segun ken ni Alcantara, nakaisubli isunan iti P181 million iti gobierno.
Innayonna nga inton Setyembre ita a tawen ket isublina iti P25 million ket inton agtapos iti 2027 ket ma-fully paid nan.
