VIGAN CITY – Posible a mabalin a makaapektar ti panagngato ken panagbaba ti blood pressure dagiti aktibidad ti maysa a tao kas inlawlawag ti maysa nga eksperto iti salun-at.
Iti pannaki-uman ti Bombo Radyo Vigan ken ni Dr. Niña Castillo Reyes, Nutrition Specialist iti siudad ti Vigan, maibilang a silent killer ti altapresyon ta nu saan a makontrol ket posible a bumtak ti urat, ngumato ti pressure iti mata a gappuanan ti pannakabulsek, ken stroke.
Dagiti agsagaba ti altapresyon ket agtawen iti tallopulo ket lima agpangato, adda family history-na, nalaing nga aginom ti arak ken sigarilyo, masansan a mangan ti natataba ken naapgad, stress ken saan a manag-ehersisyo.
Dagiti sintomas a marikna dagiti nangato ti blood pressure-na ket agsakit ti ulo, agkusnbaw ti panagkita, panagbakwar ken panagsakit ti barukong
Inlawlawagna a tapno saan nga agsagaba ket liklikan ti natataba ken naapgad a taraon ken maaddaan ti balanse a diet, agehersisyo a regular ken pagtalinaeden ti husto a dagsen.
VIDEO – DR. NIÑA CASTILLO REYES
