VIGAN CITY – Awan ti nadangran iti napasamak nga aksidente iti Poblacion East, San Ildefonso ta dagiti laeng lugan a nairaman iti nadadael.
Nabigbig dagiti karaman iti aksidente a da Urbana Romano, agtawen ti innem a pulo ket innem nga agnaed iti Brgy. Busiing Cen Sur nga isu ti nagmaneho iti Mitsubishi Montero Sport ken ni Melvin Sudaria, agtawen ti duapulo ket walo nga agpada nga agnaed iti Brgy. Dongalo nga isu ti nagmaneho iti Yamaha Aerox.
Agpapa-amianan a direksion ti Aerox a minaneho ni Sudaria idin ta saanna a nakontrol ti manibela iti lugan ket naidungpar iti sementado a kalsada agingga idi nadungpar met ti agsikko nga agpakannigid a Mitsubishi Montero a minaneho ni Romano.
Saan pay laeng a natakuatan no mano iti gatad dagiti nadadael a paset dagiti lugan ken agtultuloy ti imbestigasyon.
