VIGAN CITY – Dead on arrival Ni Rodelito Baldo, agtawen iti uppat a pulo ket walo nga agnaed idiay Ampandula, Santa a nagmaneho iti motorsiklo ta naaksidente idiay Brgy. Rizal iti nasao met laeng nga ili.
Agpapa-amianan a direksion ni Baldo idin ta linisyanna dagiti agbisbisikleta iti akindaya a paset ti kalsada ngem gapu ta nagalis ti dalan ket naipan iti bangir a linya a rason ti panagdinnungparda iti agpapa-abagatan a motorsiklo a minaneho ni Jose Reyes, agtawen iti duapulo ket siam nga agnaed idiay Sulvec, Narvacan.
Nabigbig dagiti nagbisikleta a linisyan ti biktima a da JR Del Monte, agtawen iti sangapulo ket siam ken ni Kenlee Castañeda, agtawen iti sangapulo ket walo nga agnaed idiay Brgy. Taguiporo, Bantay.
Naipaagas nga insigida iti ospital ti biktima gapu iti sinagabana a dunor ngem pimmusay kabayatan iti pannakatamingna.
