--Ads--
VIGAN CITY – Maysa ti nadunor iti napasamak nga aksidente iti National Highway ti Brgy. Pug-os, Cabugao a pakairaman ti Toyota Fortuner ken Yamaha Mio.
Iti driver ti SUV ket agtawen iti sangapulo ket walo ken residente ti Brgy. Santor Sanchez Mira, Cagayan, idinto a ti driver ti motorsiklo ket agtawen iti sangapulo ket lima, residente iti Brgy. Jordan Sinait, Ilocos Sur, agpada nga agad-adal.
Sakbay ti aksidente, agpaabagatan ti SUV, idinto a ti motorsiklo ket adda iti bangir a linya, idi kellaat a nagsikko ti motorsiklo a napan iti laud a rason ti panagdinnungpar ti dua a lugan.
Gapu dayta, nagsagaba iti driver ti motorsiklo iti minor injuries ken makinkanawan a takiagna, idinto a saan met a nadangran ti driver ti SUV ken dagiti kakaduana.
-- ADVERTISEMENT --
