Manamnama a sumango mismo iti Sandiganbayan kas testigo ti bukodna a depensa ni Leyte Representative Martin Romualdez mainaig iti 7.44- bilyon pesos a plunder case kontra kenkuana.
Segun iti abogado ni Romualdez a ni Atty Ade Fajardo, kayat ni Romualdez ti maaddaan ti gundaway nga idepensa ti karbenganna iti korte kalpasan ti pormal a leppasen ti Sandiganbayan third division ti pre-trial proceedings.
Mabalin met nga isango ti depensa dagiti sumagmamano a security aide ken driver ti co-accused-na a ni dati nga Ako Bicol Representative Zaldy Co, karaman ni Orly Guteza a nangibabawi ti immunan a statement-na.
Innayon pay ni Fajardo a kinunana ni Guteza a sakbayna a sinapataan ti testimoniana ket na-set up daytoy isu a napilitan a nangibaga iti immunan a testimoniana.
