VIGAN CITY – Maysa ti nadunor iti napasamak nga aksidente idiay Barangay Maynganay Norte, Sta. Maria a nakairamanan ti motorsiklo ken ambulansya.
Nabigbig ti drayber ti motorsiklo a Suzuki Raider a ni Edcel Mar Mungao Tadeja, agtawen iti duapulo ket uppat, agnaed iti Barangay Lussoc, Sto. Domingo.
Ti met nagmaneho iti ambulansya ket ni Joseph Defiesta, agtawen iti tallopulo ket innem, agnaed iti Barangay Butir, Sta. Maria.
Iti pannaki-uman ti Bombo Radyo Vigan ken ni PMaj. Macario Dulawan Jr. manipud Sta. Maria Municipal Police Station, agpapa-amianan ti ambulansya idin ta nagsikko nga agpakannigid iti intersection idiay Barangay Nagtupacan, Sta. Maria ket idi nadanonda ti nakapasamakan ti aksidente, nagpreno ti agpapaabagatan a motorsiklo ken uray ti lugan nga adda iti sangwananna tapno padalanen ti ambulansya ngem nagovertake ti motorsiklo ket naidungpar iti ambulansya.
Segun kenkuana, nagsagaba iti gasgas iti nadumaduma a paset ti bagi ti nagmotorsiklo isu a mismo a ti driver ti ambulansya iti nangipan iti Ilocos Sur, District, Hospital-Narvacan para iti pannakatamingna.
