--Ads--
Tallo ti nadangran iti napasamak nga aksidente iti Barangay Puro, Magsingal, Ilocos Sur.
Ti Black PCX 160 ket minaneho ti agtawen iti sangapulo ket siam, taga-Barangay Alangan, Magsingal, backrider-na ti agtawen iti sangapulo ket siam, taga-Barangay Cabaritan, Sto. Domingo.
Ti met Yamaha Mio I 125 ket minaneho ti agtawen iti duapulo ket innem, taga-Barangay Puro, Magsingal.
Agpapa-abagatan ti PCX idinto nga adda met iti bangir a linya ti Mio idin ta saan a nakontrol ti drayber ti Mio ti manibela ti luganna ket naidungpar iti PCX.
-- ADVERTISEMENT --
Gapu dayta, natwang iti kalsada dagiti drayber ken ti backrider ket nadunor ti nadumaduma a paset ti bagida.
Agpada a nakainom dagiti drayber idi napasamak ti aksidente.
