Awan ti nadangran iti aksidente a napasamak iti national highway ti Barangay San Jose Narvacan, Ilocos Sur a nakairamanan dagiti 3 a lugan.
Ti Black Rusi 125 motorcycle ket minaneho ti maysa a taga-Lungog, a daytoy ket nakainom idi mapasamak ti aksidente.
Ti met Toyota Inova ket minaneho ti maysa a lalaki nga agtawen iti pitopulo ket uppat, retirado a government employee, taga-Barangay Mission, Nagbukel.
Kabayatanna, ti Mitsubishi Expander ket minaneho ti maysa a pastor nga agtawen iti tallopulo ket innem, taga-Barangay Poblacion Sur, Sta. Maria.
Agpapa-amianan ti motorsiklo a mapan idiay Barangay Lungog ket idi magtengna ti intersection, nagsardeng ti Inova sakbay a sumrek iti main road.
Nasagid ti napaspas ti patarayna a motorsiklo ti Inova idinto a ti met Expander nga agpapa-abagatan ket naawanan kontrol ti drayber isu a naidungpar iti sangwanan ti Inova.
Nakapreno met ti Expander iti dayta a gundaway isu a saan a napakarwan ti napasamak a panagdinnungpar.
